عمرو أديب عن أسعار مطعم بوراك: يا رب تكون حتة اللحمة 100 ألف جنيه أنت مالك متروحش

علق الإعلامي عمرو أديب على الجدل المثار على مواقع التواصل الاجتماعي بشأن أسعار مطعم الشيف التركي «بوراك»، بعد انتشار فاتورة باهظة الثمن من أول أيام افتتاح المطعم.

وقال «أديب»، في تعليق ببرنامجه «الحكاية»، عبر قناة «MBC MASR»: «الناس قلبت الدنيا على مطعم الشيف بوراك، والفاتورة أم 21 ألف جنيه، وما اتكلموش على قطع المياه 4 أيام في حدائق الأهرام».

وأضاف: «الناس بتقول شوفوا إزازة المياه بكام؟! إنتو مالكم، ده مطعم سياحي، انت مالك ومال الكلام ده، وواحد يقولك يا عيني عليكي يا مصر، هي مالها مصر، وأنت مالك، ما تروحش تاكل هناك، هو ده اللانش بوكس بتاع العيال».

وتابع: «يا رب تكون حتة اللحمة 100 ألف جنيه، انت مالك، متروحش عنده، متخليش أهلك وصحابك يروحوا عنده»، مشيرًا إلى أن «مصر بقت بلد المليون مطعم».