خلطة نجاح.. دلالات الأرقام القياسية في نتائج البنك التجاري الدولي
نتائج القوائم المالية المجمعة في البنك التجاري الدولي cib مصر الأخيرة أثارت الاهتمام في القطاع المصرفي في مصر وفي نفس الوقت بقت محل دراسة وتحليلات في الدوائر الاقتصادية ودا بسبب حجم الأرقام المحققة وفي نفس الوقت في استمرارية المصرف في تحقيق نتائج قياسية ودا بدوره سلط الضوء على منظومة الإدارة الخاصة داخل التجاري الدولي وسيستم العمل والتفكير المبتكر واللي سابق عصره في تقديم خدمات مصرفية مبتكرة وبطريقة احترافية ودا انعكس في حجم اعماله واتساع قاعدة عملاءه باستمرار
في القوائم المالية المجمعة الأخيرة للتجاري الدولي على سبيل المثال تجاوزت أصول البنك التجاري الدولي- مصر CIB، حاجز 1.1 تريليون جنيه بنهاية الربع التالت من 2024 مقارنة بـ 834.86 مليار جنيه لغاية نهاية ديسمبر 2023 بزيادة نحو 34.14%.ودي حاجة بتتحقق لأول مرة في تاريخ البنك التجاري واللي بيدخل بيها مرحلة الأرقام القياسية.
مش دا المهم بس لكن الأهم إن فيه عقيدة في التجاري الدولي وهي إن الارقام اللي بتتحقق وحتى لوكانت أرقام قياسية بمجرد إعلانها بتبقي ماضي والبنك بيكون شغال على خطط لكسر الأرقام دي في السنة المالية اللي بعدها يعني مش بيوقف عند رقم ولا مرحلة بعينها ويقول كفاية ودا لان التطور دا أسلوب عمل في التجاري الدولي.
نفس الأرقام كشفت عن ارتفاع إجمالي ودائع عملاء البنك إلى 900.9 مليار جنيه بنهاية سبتمبر 2024، مقابل 677.2 مليار جنيه بنهاية ديسمبر 2023.. في الوقت نفسه قفزت أرباح التجاري الدولي مصر المجمعة، خلال أول 9 أشهر من العام الجاري، بنسبة 88.8% على أساس سنوي.
البنك ضرب أرقام قياسية تانية في الأرباح الصافية بنهاية سبتمبر اللي فات واللي تضاعفت تقريبا إلى 42.3 مليار جنيه مقابل 22.4 مليار جنيه في نفس الفترة من السنة اللي فاتت وقفزت أرباح البنك قبل الضرائب إلى 58.6 مليار جنيه خلال أول 9 أشهر من العام الحالي مقارنة 31.6 مليار جنيه في نفس الفترة من السنة اللي فاتت بزيادة 85.4%. مرة واحدة
الأرباح المجمعة للبنك التجاري الدولي قفزت هي كمان بنسبة 77% في الربع التالت من 2024 على أساس سنوي، وسجلت 14.8 مليار جنيه.
الحقيقة خبراء البنوك والاقتصاد والهيئات المالية وقفوا كتير قدام أرقام البنك التجاري الدولي وشغفه وشهيته لكسر الأرقام القياسية ووصلو لنتيجة وهي إن السبب في دا هي العقليات اللي بتدير البنك بجانب فريق احترافي من العاملين والرغبة للوقوف عند أخر حدود التطور التقني في العمل المصرفي ودي خلطة النجاح في كتيبة هشام عز العرب.
