ملف محدش خد باله منه.. السيسي عمل إيه في الاستثمار العقاري

في الفترة الأخيرة بقي في شغل كتير جدا ومشروعات لوزارة الإسكان، وكل يوم بنسمع اعلان غير اللي قبله ياتري اية الحكاية .. والحكومة مستهدفة اية من المشروعات دي.
 
مصر حاليا بدأت مرحلة مهمة جدا من الاستثمار في قطاع الإسكان وحاليا الدولة كل يوم بتعلن عن مشروعات جديدة للإسكان سواء سكن متميز أو محدود أو متوسط الدخل وده بهدف توفير السكن الملائم لكل المصريين وده واحد من أهدا المبادرة الرئاسية سكن لكل المصريين، واللي أطلقها الرئيس عبد الفتاح السيسي، رئيس الجمهورية، في عام ٢٠١٤.

الثورة العمرانية الجديدة اللي بنشوفها وبنسمع عنها كل يوم دش مس مقتصره على بناء وحدات سكنية بس لا ده كمان فيها بناء مجتمعات عمرانية متكاملة للمواطنين المستفيدين بالوحدات بدون ما المواطن يتحمل اية حاجة أو تكلفة منها، وده تشجيع من الدولة المصرية للانتقال لوحداتهم السكنية الجديدة، ده غير  توفير كل الخدمات الأساسية للمشروعات السكنية وتوفير المواصلات لتسهيل انتقال المواطنين للمشروعات السكنية الجديدة .

طيب اية اللي عملته الحكومة علشان تعمل تشجيع المواطنين علي الإستثمار في القطاع العقاري ؟.
علي مدار العقود الله فاتت مصر كانت عندها أزمة سكانية كبيرة جدا والناس حرفينا كانوا قاعدين علي بعض، ومع فترة رئاسة الرئيس عبدالفتاح السيسي اطلق أكثر من مبادرة لتنفيذ مشروعات اسكان واهما الإسكان محدود ومتوسط الدخل واللي بيكون علي مساحات 75 و 90 متر، وده هدفه تلبية كل الرغبات للمواطنين المستفيدين من المشروعات، وده أن المشروعات مقفتش علي وقت معين أو نقطة معينة. ولكنها مستمرة طوال السنة.

الدولة كمان علشان تسهل علي الناس الدخول والانتقالات الي المشروعات العمرانية الجديدة أعلنت عن مبادرة التمويل العقاري واللي أطلقها البنك المركزي المصري واللي ساهمت في نجاح المبادرة الرئاسية سكن لكل المصريين، وساهمت في توفير السكن الملائم للمواطنين بفوائد منخفضة وده اللي شجع الكثير من المواطنين على التقديم للحصول على وحدة سكنية.
طيب واحد واحد انتقلوا للإقامة في المدن والتجمعات العمرانية الجديدة؟.
وزارة الإسكان قالت إن في ما يقترب من ٣ مليون مواطن انتقلوا للتواجد في وحداتهم السكنية الجديدة، وتخطى عدد المواطنين اللي تم تخصيص وحدات سكنية لهم ل 600 ألف مواطن وبمتوسط 5 أفراد لكل أسرة، وده كان من خلال 18 طرح كإعلان للمواطنين منخفضي ومتوسطي الدخل ضمن المبادرة الرئاسية سكن لكل المصريين، وصندوق الإسكان الاجتماعى طرح ٩٢٨ ألف وحدة سكنية  وحاليا بيستعدوا لطرح ٧٢ ألف وحدة سكنية جديدة تم الانتهاء من تنفيذ ٦٨٤ ألف وحدة سكنية وشغالين في ٢٤٤ ألف وحدة سكنية هيتم تسليمهم خلال 3 سنين.

صندوق الإسكان الاجتماعى قال كمان أنه الدولة شغالة حاليا في بناء 55 ألف وحدة سكنية ضمن المبادرة الخضراء في مدن حدائق العاصمة وأسوان الجديدة والعبور الجديدة والعاشر من رمضان، وعلي فكرة النوع ده من الوحدات تكلف بناءه مرتفعة جدا خصوصا أنها مباني صديقة للبيئة وبتكون تكلفتها اعلي من الوحدات التقليدية خصوصا انها مصممه لتوفير الطاقة .
طيب ازاي الوزارة بتتعامل علشان تحافظ علي الوحدات السكنية اللي بتسلمها للمواطنين ؟.
صندوق الإسكان الاجتماعى أعلن عن تشكيل منظومة متكاملة للضبطية القضائية بهدف الحفاظ على الوحدات السكنية، وبيوقعوا عقوبات وغرامات مالية على المواطنين اللي بيقوموا ببناء أو تأجير الوحدات السكنيه المخصصة لهم، خصوصا أن النوع ده من وحدات سكن كل المصريين مدعوم بلنسية كبيرة من الدولة المصرية والدولة بتخصصه للفئات من محدودي ومتوسطي الدخل كنوع من الدعم الحكومي اللي بتقدمه الدولة للفئات الاولي بالرعاية.