هتجيب 14 مليار دولار.. الحكومة بتعمل إيه في قطاع الزراعة

مصر حاليا داخله في تحدي مهم جدا، وهو تحدي توفير الدولار وده هيحصل من خلال زيادة الصادرات وتقليل الواردات.. وقطاع الزراعة واحد من القطاعات اللي بدا يحقق المعادلة الصبعبة .. ياتري اية اللي حققه قطاع الزراعة في توفير الدولار ووصلنا لكام من التصدير.

من زمان وطلعنا هنا لحضراتكم وقولنا علي التوجيهات الرئاسية من الرئيس عبدالفتاح السيسي للحكومة واللي كانت قائمة علي تحقيق المعادلة الصعبة وتوفير الدولار وده هيحصل من خلال تشجيع الصادرات وتقليل الاستيراد علشان يحصل توازن في القاتورة الدولارية لمصر ما بين التصدير والاستيراد.
التوجيهات الرئاسية بدأت الوزارات تترجمها علي ارض الواقع، وقطاع الزراعة واحد من القطاعات اللي اعلن عن بدء تنفيذ التوجيهات الرئاسية وأعلن عن تحقيق زيادة كبيرة في تصدير الحاصلات الزراعية واللي وصلت لـ 7.1 مليون طن وصلت قيمتها 4.1 مليار دولار، بزيادة وصلت لمليار دولار عن السنة اللي فاتت .
طيب اية هيا اهم الحاجات اللي مصر صدرتها من الحاصلات الزراعية في الفترة اللي فاتت؟.
وزارة الرزاعة واستصلاح الأراضي قالت أنها صدرت نسب كبيرة من الحاصلات الزراعية لعدد كبير من دول العالم، وابرز المنتجات الزراعية اللي صدرتها مصر هيا الموالح والبطاطس والبصل والعنب والفاصوليا والبطاطا والمانجو والطماطم والثوم والفراولة والجوافة والرمان.

وزارة الزراعة واستصلاح الأراضي قالت أن إجمالي الصادرات الزراعية من الموالح وصلت لـ 2 مليون و280 ألف طن كاعلي الصادرات المصرية، وبعدها في المركز التاني جت البطاطس واللي مصر صدرت منها  975 ألف 839 طن من البطاطس، ده غير تصدير 287 ألف و748 طن من البصل، وصدرنا كمان 239 ألف و246 طن من الفاصوليا، ونصدرنا كمان 180 ألف و567 طن من العنب ده غير منتجات وحاصلات زراعية كتيرة مصر لها الريادة العالمية فيها وبتوصل لكل دول العالم.

طيب الدولة بتستهدف توفير كام من قطاع الزراعة ؟.
وزارة الزراعة واستصلاح الأراضي كشفت عن خطة بتستهدف فيها تحقيق 14 مليار دولار في 2030 من تصدير الحالات الزراعية واللي عليها اقبال وطلب عالمي، ده غير توفير 50 ألف وظيفة جديدة من الوظايف المباشرة والغير مباشرة اللي بيوفرها قطاع الزراعة.
مش كده بس لا ده كمان وزارة الزراعة بتستهدف رفع نسبة الاكتفاء الذاتي من القمح إلى 70% بحلول عام 2030، مقارنة بنسبة 47% في عام 2021، خصوصا أن الدولة المصرية بتدفع مبالغ دولارية كبيرة جدا علشان تأمين رغيف الخبز للمواطنين ومصر بتعد أكبر دولة في العالم بتستورد قمح علشان تأمن رغيف الخبز.
مش كده بس لا ده كمان قطاع الزراعة في الفترة اللي فاتت بدأ يشجع المراكز البحثية في مصر لاستنباط أنواع واصناف جديدة من الشتلات والبذور خصوصا ان مصر برضوا بتستورد كمية كبيرة من الشتلات والبذور اللي بتستخدمها في قطاع الزراعة، وفعلا الدولة نتجت في زراعة أنواع جديدة من المحاصيل كانت استحالة تكون بتتزرع في مصر زي البن والأرز البسمتي .