لو عايز تشتري عربية.. البنك ده هيديك قرض 3 مليون جنيه
لو عايز تشتري عربية، إيه هي أفضل البنوك اللي بتقدم قروض السيارة، وبيبقي قيمته القرض كام والشروط، والسداد بيبقى على كام شهر.
دلوقتي، المصرف المتحد بيتيح إمكانية حصول الأفراد على قرض سيارة، بمقدم 10%، وفترة سداد بتمتد ل 10 سنين، وكمان متاح سرعة وسهولة الإجراءات.
وقرض السيارة من المصرف المتحد بيتيح لحضرتك تسهيل الحصول على سيارة بشروط ميسرة بتناسب جميع فئات وشرائح العملاء.
ومن أهم شروط القرض ده، إنه بعائد تنافسي وبدون مصروفات إدارية، ويصل الحد الأقصى للتمويل إلى 3 ملايين جنيه.
ولكن المقدم بيبدأ من 10% فقط من ثمن السيارة، والتمويل متاح للعملاء من ذوي الدخول الشهرية يعني الموظفين وأصحاب المهن الحرة والأفراد من أصحاب الشركات.
وفي خيارات سداد مرنة بتناسب كافة العملاء، زي صدار وثيقة تأمين سنوية على العربية، من العميلؤ وكمان إصدار وثيقة تأمين على الحياة من قبل العميل.
وكمان، متاح للعملاء التقديم للحصول على القرض لشراء السيارة حتى نهاية السنة دي، من خلال زيارة أحد الفروع المصرف المتحد أو عبر الموقع الإلكتروني للبنك .
وفي حاجة مهمة لازم تعملها قبل ما تفكر تشتري عربية من اي بنك هي انك تزور الصفحات الرسمية للبنوك ونشوف أفضل العروض على القروض وقيمتها وكمان لازم تكون عارف هتشتري عربية موديل كام وسعرها النهائي عشان ماتخدش قرض كبير وبعدين تحتار أو تتعثر في تسديده.
