عاوز قرض شخصي 2025.. البنك ده هيديك 300 ألف جنيه على 7 سنين

القرض الشخصي 2025..كتير من البنوك المصرية بتهتم بتقديم أفضل أنواع القروض للعملاء، وده بجانب باقة تانية متنوعة من التمويلات الميسرة في السداد على فترات طويلة.

والأوبشن ده طبعا، هدفه جذب أكبر فئة ممكنة من الجمهور، زي ما عمل بنك قناة السويس، اللي بيقدم قرض شخصي بضمان البطاقة الائتمانية للمواطن.

طب يا ترى إيه هي تفاصيل القرض الشخصي من بنك قناة السويس، وعلى كام سنة، ونسبة الفايدة كام؟

قيمة القرض بتصل لحوالي 300 ألف جنيه، وبيتم السداد على أقساط شهرية وبأسعار فايدة تنافسية، وبتتراوح مدة القرض من 6 أشهر ل 7 سنين، يعني هتسدد براحتك، وكمان في ميزة مهمة، وهي إن القرض بيضمن لك التأمين على الحياة طوال فترة القرض.

لكن في شروط إلزامية عشان تاخد القرض ده، واللي بينها الحد الأدنى للسن هو 21 سنة، والحد الأقصى  60 سنة، وبيتم سداد الأقساط بسهولة من خلال فروع البنك أو عن طريق الخدمات المصرفية، زي الإنترنت، أو من خلال تحويل الراتب والقسط، كمان لازم العميل يكون عنده سجل ائتماني إيجابي لمدة 6 أشهر.

ولو توافرت فيك الشروط دي، فحضر بطاقة الرقم القومي وفاتورة مرافق حديثة لآخر 3 شهور، وإثبات عمل، واطلع على أي فرع لبنك قناة السويس، وخد قرضك.