قصة تحويل مصر لقلعة صناعة الدهب والمجوهرات.. شوف اللي بيحصل

في السنين الأخيرة، الحكومة المصرية، أخدت قرارا بتخصيص مدينة للدهب بالقرب من العاصمة الإدارية الجديدة، وبتضم مدرسة للصناعة ومحلات تجارية ومصانع على الطراز الحديث، وده بالتأكيد هيحول مصر لقلعة لصناعة المجوهرات ومنطقة تجارة دولية لصناعة وتجارة المعدن الأصفر.

ومن هنا، قال هاني ميلاد جيد، رئيس الشعبة العامة للذهب باتحاد الغرف التجارية، إنه لتنشيط صناعة الدهب، فبيتم تنظيم معرض "نيبو 2024" للدهب والمجوهرات، والدورة الجاية من المعرض هتشهد مشاركة واسعة من عارضين دوليين، وده بيؤكد اهتمام الشركات دي بالسوق المصري، وكمان المعرض ده بيستهدف تحويل مصر لمنطقة تجارة دولية لصناعة وتجارة الذهب بعد قيام الجهات المسئولة بتخصيص مدينة "الذهب" بالقرب من العاصمة الإدارية لتكون مركزا دوليا للصناعة.

ومعرض "نيبو 2024" ده، بينظم بالتعاون م وزارة التموين والتجارة الداخلية، وخاصة الشعبة العامة للذهب والمجوهرات، اللي بتستعد لإطلاق النسخة الرابعة من معرض "نيبو 2024" للدهب والمجوهرات، بمركز مصر للمعارض والمؤتمرات خلال الفترة من 15 إلى 17 ديسمبر الجاي، لدعم وتشجيع المشاريع الصغيرة ودعم الابتكار.

وبتوصل عدد الدول المشاركة في المعرض، ل 5 دول، هي تركيا والإمارات وإيطاليا والهند والصين، ، وشهدت الدول دي طفرة كبيرة خلال السنين الأخيرة في صناعة وتجارة الدهب، وبتعتبر مركز دولي لهذه التجارة، عشان كده الحكومة المصرية ناوية تمشي على نفس الطريقة عشان تحول مصر لقلعة لصناعة المعدن الأصفر

ونقدر نقول كمان، إن تواجد شركات من  الدول دي في المعرض، هيعزز من رواج صناعة الدهب المصرية، وهيساعد الشركات المصرية على التواجد فى هذه الدول والتحول إلى التصدير.

وبيوصل عدد الشركات المشاركة في المعرض السنة دي، 100 شركة، منهم 50 شركة تمثل الدول الخمس المشاركة بخلاف 50 شركة مصرية،  تواجد الشركات العالمية بيساعد الشركات المصرية على عقد صفقات تجارية للترويج لمنتجاتها، خاصة الفرعونية اللي بنسعى لأنها تكون ذات صبغة دولية، وكل ده بالتأكيد هيعزز عمليات التصدير وهيضيف للصناعة، وكمان هيساهم في توسيعها عشان تكون جزء مهم في عمليات الصادرات المصرية.

وبالنسبة لفعاليات المعرض أو اللي هيحصل فيه ، فهتكون في ندوات دولية ومحاضرات هتناقش اللي يدور في صناعة الدهب في العالم، ومش بس كده لأ ده كمان المحاضرين هيكزنوا من كل الدول، زي من الأردن وتركيا ودول أوروبية، وهيقومول بدر التعريف بكل ما هو جديد فى هذه الصناعة، وكمان هتكون في مسابقة في مجال التصميم خاصة تصميم الدهب الفرعوني.

ضيف على كل ده، إن في وفد دولي من صناع الدهب والمجوهرات مكون 150 شخص، هيكونوا متواجدين في المعرض، وده بهدف عقد صفقات مع الشركات العارضة وتبادل  كل ما هو جديد في هذه الصناعة.

وبالنسبة للجمهور، فإدارة المعرض أتاحت للجمهور التواجد ليوم واحد فقط داخل المعرض، عشان يطلعوا على كل ما هو جديد في عالم صناعة الدهب والمجوهرات ومشاهدة العروض الدولية والتعرف عليها عن قرب.

أما عن تحويل مصر إلى منطقة دولية لصناعة الدهب، فالبفعل الحكومة اتخذت قرارا بتخصيص مدينة الذهب بالقرب من العاصمة الإدارية، وبتضم زي ما قولنا مدرسة للصناعة ومحلات تجارية ومصانع على الطراز العالمي ومصلحة الدمغة والموازين على النظم الحديثة مما يعزز تحويل مصر إلى منطقة دولية لهذه الصناعة.