أحمد فهمي يتحدث عن بدايته: اشتغلت مع رقاصة وقبضت 300 جنيه - سبورت ليب

تحدث الفنان أحمد فهمي عن بدايته الموسيقية، موضحا أنه عمل مع فرية موسيقية مع راقصة، وتلقى أجر كبير أول يوم عمل له.

أوضح "فهمي" خلال حلوله ضيفا على برنامج "صاحبة السعادة"، مع الفنانة إسعاد يونس: "اتعرفت على واحد بيعزف كامنجا اسمه عم عبده وكان شاطر جدا وكنت بروح له كل يوم يعلمني أعزف".

أشار: "وفي مرة قالي تعالى الساعة 9 في فندق عندنا شغل رحت وكانت فرقة رقاصة كان في دماغي إني مش هاخد أقل من 12 جنيه بعد ما خلصنا عم عبده قالي هتاخد 50 جنيه في النمرة".

نرشح لك: أحمد سالم: الزمالك اتظلم في مباراة البنك الأهلي

أردف: "أنا كنت بقول يارب يديني جنيه اروح بتاكسي عشان مكسرش الخمسين جنيه فأداني 300 جنيه وقالي ده "الكيت" الفلوس اللي اترمت على الرقاصة فيه جزء منهم للفرقة، وأنا مروح كنت بغني يا دنيا يا بنت الايه زي الأفلام".