عادل الفار بحوار سابق قبل رحيله.. صحابي الفنانين محدش بيسأل عليّ

وأكد قائلًا: "صحابي الفنان خالد عجاج، ومصطفى قمر ده الجيل اللي طلع معايا، طلعنا مع بعض، دلوقتي مفيش حد بيسأل عليا، خالد اتصل بيه مايردش أزعل جدًا، وبعدين اتصل بيه تاني يرد عليا يقولي ده انت واحشني أوي، طب أنا واحشك ما ترد عليا، ومبحبش اتصل بحد عشان لو ماردش أنا بزعل، والوسط ده غدار للأسف، وقبل كده كان كله بيسأل عليا وكله عايزني، ولما كبرت الدنيا مابقتش حلوة".

وأضاف: "لازم يبقى فيه ود وحب ولازم يبقى فيه تواصل ونسأل على بعض ونتطمن على بعض، ومش بقول الكلام ده للفنانين بس لكل الناس، ونشوف حد عنده مشكلة نحلها له".

تشيع أسرة الفنان عادل الفار جثمانه من مسجد القوات المسلحة بمدينة نصر بعد صلاة الجمعة.

تفاصيل الخبر

ورحل عن عالمنا الفنان عادل الفار بعد صراع مع المرض، كما أعلن نقيب الموسيقيين الفنان مصطفى كامل.

ولد عادل الفار في 20 ديسمبر 1961، بدأ مشواره الفني في أوائل الثمانينات من خلال عمله في الملاهي الليلية والأفراح، ثم دخل عالم السينما في التسعينات، وقدم العديد من الأدوار المميزة كمونولوجيست، قبل أن يحقق شهرة واسعة بأدوار ثانوية في أفلام سينمائية ومسلسلات تلفزيونية.

من أبرز أعمال عادل الفار السينمائية “هيستريا”، “شجيع السيما”، “زكية زكريا”، و”بون سواريه”، “حارة البنات” بينما كانت له مشاركات بارزة في الدراما التليفزيونية مثل “الكومي”، “شارع السلام”، “الاشتباه”، “صاحب السعادة”، و”إحنا الشباب”.

يمكنك مشاركة الخبر علي صفحات التواصل