والدة أنس بوخش: بني وبينه 18 سنة والإعلامي: هي أمي وأختي وأقرب صديقة ليا
حل الإعلامي أنس بوخش ووالدته ضيوف على برنامج معكم والذي تقدمه الإعلامية منى الشاذلي على شاشة قنوات أون، والذي تحدثوا خلاله عن علاقتهم المترابطة والقريبة من بعضهم للغاية بسبب عدم وجود فارق سن كبير بينهم.
والدة أنس بوخش: بيني وبينه 18 سنة
وقالت والدة أنس بوخش خلال لقاءها مع منى الشاذلي في تصريحات رصدها موقع تحيا مصر: الفرق بيني وبين أنس 18 سنة، أنا متزوجة وأنا عندي 17 سنة وخلقت أنس على طول وكنت طفلة لسة معرفش عن الأمومة حاجة واكتشفت إن الأمومة دي شيء صعب ومعقد الشاطر اللي يقدر يفك التعقيد ده وتعرف ازاي تتعامل مع أولادها.
من جانبه، قال أنس بوخش: والدتي كانت من أقرب الاصدقاء ليا، أنا طلعت لقيتني بتعامل معاها بثلاث قناعات قناع الأم وابنها، والصديق والصديقة، والاخ واخته، فكانت بالنسبالي هي اللي بجري وبحكلها على كل حاجة.
أنس بوخش يكشف دور والدته في تربيته
وتابع أنس بوخش حديثه، أنا كنت بشوف أبناء كتير متدلعين ولكن مكنتش بعرف ليه الطفل ممكن يطلع متدلع وبعدين بصيت ليا أنا وأخواتي لقيت أنه محدش فينا كدة رغم قرب والدتي الشديد لينا، واكتشفت من هنا أن الأم عليها مسؤولية كبيرة في التربية قدام عيالها، ولو هي عرفت تربي الأولاد صح هيطلعوا متحضرين ومتميزين، وانا كان عندي 9 اخوات.
أنس بوخش ووالدته يكشفون تفاصيل حلقتهم معا
وتطرق أنس بوخش بحديثه عن حلقته مع والدته ضمن برنامجه الشهير Abtalks، قائلا: قولتلها أول ما نبدأ لا انتي والدتي ولا أنا ابنك وكنت بحاول أتماسك عشان متنزلش دموعي لاني لو كنت تعاطفت معاها الحلقة مكنتش هتبقى حلوة.
لتتابع والدته الحديث، أنس كان بيسمع مني كلام لأول مرة في حلقتي معاه.. أنا مكنتش حكياله على أمي فكان باين الصدمة والتأثر على وشه، وبعد حلقتي معاه كنت مهدودة من كتر البكاء.. قولتله يا أنس أنت كسرتني.
من ناحية أخرى، كان قد تحدث أنس بوخش عن علاقته بوالديه، فقال في تصريحات تليفزيونية سابقة: علاقتي رسمية مع والدي، فيها حب وفيها احترام بس مفيهاش صداقة، يعني أنا والوالدة أصدقاء جدا، ووالداي انفصلوا وأنا عندي 19 سنة ومتوقعش أن الانفصال دا جابلي تروما لأني كنت في أمريكا بدرس، والوالدة محسستناش بتأنيب ضمير أو بأننا عاجزين كأولاد، ومكنش في حد من أخواتي مقتدر ماليا.
