الراقصة دينا تكشف تفاصيل خضوعها لعملية تجميل بالأنف: غضروفي سقط.. وعملتها بنفس شكلها القديم - سبورت ليب

الجمعة 08/نوفمبر/2024 - 12:55 ص

كشفت الراقصة دينا تفاصيل خضوعها لعملية تجميلية بالأنف منذ 5 سنوات، موضحة أنها لم تخضع لأي عملية تجميلية أخرى من حينها.

وقالت دينا، في مقطع فيديو عبر حسابها الشخصي بموقع انستجرام: كل الناس بتسأل، وبيقولولي في وشي إنه أمر واقع، وكل الناس بيقولولي إني عاملة عمليات تجميل، والبني آدمة الطبيعية مبقاش حد بيصدقها، لازم تبقى عاملة عملية تجميل، أي حد عنده حاجة حلوة يقولوا عملية، وده يمكن علشان مش قادرين يحافظوا على نفسهم فيقولوا على اللي قدامهم إنها عاملة عمليات تجميل، بدل ما يقولوا إنها طبيعية وهما اللي فاشلين.

وأضافت دينا: الحقيقة إني عملت عملية تجميل واحدة وهي مناخيري، وعملتها من 5 سنين لأن غضروفي سقط وعملت مناخيري بنفس شكلها القديم لأني بحب الطبيعي، وأنا شايفة أن كل عمليات الأجسام باينة، وبالنسبة ليا التجميل يعني ميبانش.. الحلاوة أنك تعملي وميبانش، طبعًا أنا مش فارق معايا ولكن هبقى مبسوطة إني قد كده حافظت على نفسي، لدرجة إن الناس تقول إني عاملة تجميل يبقى آخد جائزة.

واختتمت دينا حديثها: يا جماعة الجمال مش سهل، الناس علشان تحافظ على نفسها لازم تتعب، مفيش حلاوة من غير نار، عشان تلاقوا في الآخر حاجة كويسة لازم تشقوا عليها.

دينا تكشف سر شبابها

وفي وقت سابق، كشفت الراقصة دينا سر شبابها، وذلك عبر حسابها بـ انستجرام حيث قالت: من وأنا عندي 15 سنة لحد النهاردة عمري ما نمت وفي وشي مكياج، وكل يوم بحط كريم في النهار وفي الليل، وعمري ما استحميت ومحطتش كريم لجسمي، وكل يوم بلعب رياضة أو برقص، وطول عمري بعمل الصيام المتقطع من وأنا عندي 15 سنة، وباكل مرة واحدة في اليوم لأن مفيش حاجة عندي أحسن من نفسي.