خبيرة فلك توجه رسالةلـ 3 أبراج وتحذر من هذا الأمر
قالت رحاب منيعم خبيرة علم الفلك أن كوكب المريخ انتقل أمس لبرج الاسد وبذلك تخلص من ضعفه شوية الشهرين الماضيين وبيكون في كامل قوته وطاقته حتى 6 ديسمبر قبل التراجع.
وتابعت خبيرة علم الفلك عبر حسابها الشخصي على موقع التواصل الاجتماعي فيس بوك ورصده موقع تحيا مصر، «الفترة دي المريخ قوي جدا خاصة بمعارضته لبلوتو وبيرجع طاقتنا بشكل كبير بالتدريج وخاصة ابراج الاسد العقرب الحمل الوقت ده جيد لبداية ريجيم ولانقاص الوزن ولبدء رياضة والحرق بيكون قوي وقت مناسب للعمليات الجراحية، وقت مناسب لبدء اي شئ محتاج جراة وقوة وخاصة للاطفال يعني ممكن تكسروا عندهم عقدة او خوف من شئ معين ورغم كده الفترة دي بيزيد جدا حالات التنمر ومشاكل الاطفال والمراهقين مع بعض فلازم تنتبهوا لده مع اولادكم ويفضل يحطوا طاقتهم في لعبة او رياضة علشان ميطلعوش العنف او الطاقة دي علي زمايلهم او اخواتهم».
التخلص من مشاكل الكلام
وتابعت، «المريخ في اتصال جيد مع عطارد ممكن يساعد البعض في التخلص من مشاكل الكلام او التأتأة او خوفهم من الكلام وهتلاحظوا ان الناس بتتكلم بسرعة او صوت عالي اكتر من المعتاد وافكارهم ملخبطة شوية بس غالبا ده كويس علشان من الاندفاع ده ممكن يوصلكم اعترافات او زلات لسان تعرفكم حقيقة مستخبية عنكم وصعب معاها الكدب شوية لانه هيتكشف بسهولة».
ونوهت أن «الفترة دي للاسف من عيوب وجود المريخ معارضة بلوتو هنسمع عن كلمة انفجار كتير فانتبهوا ع اي مصدر نار وعلي عجلات عربياتكم وعلي لعب الاطفال
بيزيد حوادث الطائرات والبالون الطاير والعواصف الرعدية لنص نوفمبر تقريبا في الافراح والمناسبات والاحتفالات ايا كان نوعها تجنبوا الالعاب النارية وكل شئ قابل لتسبب حوادث او حرائق».
