أقوال والدة شاب لقي مصرعه على يد لصوص بالمقابر: لقيت تليفون جالي قالولي ابنك مات في المستشفى - سبورت ليب

الأربعاء 06/نوفمبر/2024 - 06:08 ص

كشفت التحقيقات في واقعة مقتل شاب طعنًا على يد 3 لصوص في المقابر، بمنطقة العمرانية التابعة لمحافظة الجيزة، تفاصيل الواقعة.

أقوال والدة شاب لقى مصرعه على يد لصوص في المقابر

وحصل القاهرة 24، على نص التحقيقات في القضية، وجاءت أقوال والدة المجني عليه أمام جهات التحقيق كالتالي:-

س: ما هي صلتك بالمتوفى يوسف.ص.م.ع؟
ج: هو ابني

س: وكم يبلغ سالف الذكر من العمر تحديدا؟
ج: 20 سنة تقريبا.

س: ما هي الحالة الاجتماعية لنجلك المتوفى؟
ج: أعزب.

س: ما معلوماتك بشأن الواقعة محل التحقيق؟
ج: اللي حصل إن ابني يوسف شغال في الزقازيق مع صاحبه اللي اسمه مهند، وليهم سكن في الزقازيق وشغال بقالة أربع أيام وانهاردة جالي تليفون من واحد معرفوش وبيقولي الحقي ابنك عامل خناقة وعايزينك علشان تضمنيه من القسم وأنا في الطريق لاقيت تليفون تاني جالي وقالولي إن ابني يوسف اتوفى في المستشفى، وبعدها أنا جيت على الزقازيق ورحت المستشفى وعرفت إن ابني فعلا مات وأنا معرفش هو مات إزاي ودا كل اللي حصل.

س: متى وأين حدث ذلك؟
ج: عرفت بوفاة ابني 3/9/2024 العصر وأنا جايه في الطريق على الزقازيق.

س: ومن كان برفقتك آنذاك؟ 
ج: كنت لوحدي.

س: وما مناسبة تواجدك بالزمان والمكان سالفي الذكر؟ 
ج: أنا جيت علشان أشوف ابني إيه اللي حصلة.

س: وما هي كيفية علمك بحدوث الوفاة؟
ج: جالي تليفون من واحد معرفوش وبيقولي إلحق ابنك عامل خناقة وعايزينك علشان تضمنة من القسم وأنا في
الطريق لقيت تليفون تاني جالي وقالولي إن ابني يوسف اتوفى في المستشفى.

س: وما الذي بدر منك عقب علمك بخبر وفاة نجلك؟ 
ج: أنا رحت على المستشفى وعرفت إن ابني فعلا مات.

س: وهل من ثمة خلافات سابقة بين المتوفى وبين أي أشخاص آخرين؟
ج: لا مفيش أي خلافات.

س: وما هي طبيعة العلاقة بين المتوفى وبين المدعو مهند.ج. إ. س. أ ؟ 
ج: هو صاحبه ومعاه في الشغل اللي في الزقازيق.

س: هل شاهدت أي من تفاصيل حدوث وفاة نجلك المتوفى؟ 
ج: لا.

س: متى آخر مرة شاهدت فيها المتوفى؟
ج: من حوالي 4 أيام كان عندني في البيت وبعدها هو نزل على الشغل في الزقازيق.

س: هل كان يعاني نجلك المتوفى من أمراض نفسية أو عصبية؟
ج. لا.