بعد عودة النصر للسيارات.. أفضل قروض السيارات 2025 في 3 بنوك
قرض السيارة 2025..كتير مننا نفسه يشتري عربية يروح بيها شغله ومشاويره وترحمه من زحمة المواصلات لكن ارتفاع الأسعار في الشهور الأخيرة خلت ناس كتير تراجع موقفها من تاني وتستني الأسعار لما تنزل وبعد عودة شركة النصر للسيارات للانتاج ودخول شركات عالمية جديدة لتصنيع السيارات في مصر والانفراجة اللي جاية في السوق ومعاها اكيد الأسعار هتنزل .. وعشان كده ناس كتير بتدور دلوقتي على أفضل قروض السيارات من البنوك.. خليك معانا للآخر وهتعرف التفاصيل.
قرض السيارة 2025
أغلب البنوك العاملة في مصر بتقدم عروض لتمويل السيارات لجذب أكبر عدد من المتعاملين، وعشان كده البنوك بتتنافس على تقديمها بمزايا وشروط ميسرة لقروض السيارات تحديدا وفيه اكتر من بنك ليقدموا مزايا اكبر من اي بنوك تانية بالنسبة لقروض السيارات..
أول البنوك دي هي البنك التجاري الدولي والبي ييقدم أكبر قرص بيوصل إلى 9 مليون جنيه أو 100% من سعر السيارة سواء للموظفين أو أصحاب المهن الحرة، وفترات سداد طويلة بتصول ل 8 سنين كحد أقصى، أما سعر العائد فبيوصل إلى 26%، وخد عندك مفيش ح حظر بيع أو تأمين على السيارة محل المعاملة.
قرض السيارة في بنوك مصر 2025
الأوراق والمستندات اللي بيطلبها البنك التجاري الدولي للحصول على قرض السيارة اوراق بسيطة خالص زي صورة البطاقة الشخصية سارية وعرض سعر سيارة وإثبات دخل أو بيان راتب في حالة كنت موظفًا، وكشف الحساب البنكي سواء شخصي أو شركات عن آخر 6 أشهر، وفي حالة أصحاب المهن الحرة عليهم تقديم أصل السجل التجاري أو ما يعادله.
وأهم ميزة قي قرض السيارة من البنك التجاري إنه بيوفر خدمات التقسيط بدون فوائد لخدمات ما بعد بيع السيارة، زي شراء قطع الغيار باستخدام بطاقات الائتمان CIB..
تاني بنك بيقدم قرض السيارة بمزايا كتير هو المصرف المتحد واللي بيتيح قرض سيارة بفترات سداد تصل إلى 10 سنين لفترة محدودة لغاية نهاية 2024، وفق الموقع الرسمي للبنك، والمقدم 10% وسعر الفائدة تنافسي، مع العلم مبلغ القرض بيوصل الى 3 مليون جنيه كحد أقصى ومتاح للعملاء الأفراد سواء الموظفين وأصحاب المهن الحرة
ميزة قرض السيارة من المصرف المتحد، أنه يدون مصاريف إدارية مع إتاحة خيارات سداد مرنة ومتعددة، مع إصدار وثيقة تأمين سنوية على السيارة ووثيقة تأمين على الحياة للعميل ودا غير الإجراءات السهلة..
اخر بنك معانا لو عاوز تشتري سيارة بشروط مميزة هو بنك مصر واللي بيقدم خدمة خاصة لعملاءه وهي منحهم قرض لشراء سيارة مستعملة بدون مقدم، وبسعر فايدة يتراوح بين 24 و25%، وفترات سداد 5 سنين كحد أقصى، ولا يشترط البنك وجود ضامن أو تحويل الراتب على بنك مصر، بينما يمكن تمويل شراء السيارة بنسبة 100% من سعرها الحالي.
أهم مميزات شروط قرض السيارة المستعملة من بنك مصر، أنه لا يشترط ألا يقل عمر صاحب القرض عن 21 سنة ولا يوجد مقدم، ويعد قرض سيارة دون وظيفة أيضًا.
